Katy dhe Finn, janë personat të cilët u dërguan në gjendje kritike në Spitalin Busamed Modderfontein, pasi u sulmuan nga gjirafa, transmeton Klan Kosova.
Babai i Finn, lutet që djalit të tij nuk i është dëmtuar truri, pas sulmit horror të gjirafës që ndodhi në hapësirën e lojërave të Afrikës së Jugut.
Trevjeçari Finn dhe mamaja e tij Katy, tani janë në kujdesin intensiv pas sulmit të vazhdueshëm të gjirafës e cila po mbronte të voglin e saj.
Kjo familje gjithmonë janë ballafaquar me raste të tilla, pasi jetojnë pikërisht në këtë zonë të natyrës, në Hoedspruit, Provinca Limpopo.
Kryefamiljari Sam, tregoi se gruaja dhe djali i tij janë më mirë, veçse gjendja e Finnit nganjëherë po ndryshon.
“Jemi të vetëdijshëm se kafshët e egra sillen këndej pari, por nuk kemi çfarë të bëjmë sepse ajo mbetet e paparashikueshme”.
Mësohet se kafsha nuk do të vritet, por ka gjasa të zhvendoset.