Shpiket druri transparent, thith dhe çliron energji

Prishtinë | 04 Pri 2019 | 15:36 | Nga Ekonomia Online

Druri bëhet transparent, falë një procedure të veçantë kimike, e paraqitur në konventën e Shoqërisë Amerikane të Kimisë, që po zhvillohet në Florida.

Druri që mund të tejçohet nga drita mund të bëhet një material ndërtimor i aftë për ruajtjen dhe lirimin e nxehtësisë, duke favorizuar kursimet e energjisë, transmeton ATSH shkrimin e ANSA-s.

Materiali ekologjikisht i qëndrueshëm, i bërë nga kimistët suedezë të Institutit Mbretëror të Teknologjisë në Stokholm, është biodegradueshme.

Sipas Celine Montanari, studiuese suedeze e cila paraqiti drurin transparent në konferencën amerikane, “ai është një izolues i shkëlqyer termik në krahasim me qelqin dhe plastikën dhe mund të përdoret gjerësisht në ndërtesat bio”.

Trajtuar me një përbërës të veçantë që mund të lidhet mirë me qelizat e bimëve, drita transparente mund të ndihmojë në ruajtjen e një temperature konstante brenda një shtëpie.

“Në ditët me diell mund të thithë nxehtësinë dhe natën ngroh ndërtesën”, theksoi Montanari.

Fjalë Kryesore:

Të ngjashme