Roli që telefonat inteligjentë luajnë në jetën tonë është i madh duke pasur parasysh që personi mesatar kalon mbi katër orë në ditë në pajisjen e tyre. Nuk është për t’u habitur që telefoni juaj ka një ndikim të madh në shumë aspekte të jetës suaj dhe marrëdhënia juaj nuk bën përjashtim.

Gjeni më poshtë disa zakone me telefon që mund të dëmtojnë marrëdhënien tuaj:

1. Të mos i tregoni partnerit tuaj se për çfarë po qeshni

Kjo i bën njerëzit të ndjehen të mjerë kur partneri i tyre është i pranishëm fizikisht me ta, por po shijon diçka tjetër në telefonin e tij. Për më tepër, partneri juaj mund të fillojë të ndjehet i pasigurt dhe xheloz nëse po buzëqeshni me diçka në telefonin tuaj.

2. Gjithmonë e mbani telefonin me vete

Nëse gjithmonë keni një telefon me vete, ka të ngjarë t’i përgjigjeni menjëherë njoftimeve, duke harruar botën e vërtetë dhe partnerin tuaj, i cili fizikisht po ju pret. Në vend që të kaloni kohë me ata që kanë më shumë rëndësi, ju jeni gjithmonë të hutuar – duke kontrolluar se çfarë po ndodh në Facebook, Instagram dhe Twitter.

3. Përdorni telefonin gjatë një bisede

Disa vjet më parë, ishte krejtësisht e papranueshme dhe e vrazhdë të koncentroheni në dicka tjetër kur po bisedonit me dikë, por tani është kaq e zakonshme, njerëzit nuk i kushtojnë vëmendje asaj.

4. Urgjenca për të kontrolluar të gjitha njoftimet menjëherë

Sasia e informacionit në dispozicion me ndihmën e pajisjeve është e pakufizuar, dhe duket se nëse nuk kontrollojmë tani, mund të humbasim diçka të rëndësishme.

5. Përgjigja e postës elektronike(EMAIL), jashtë orarit të punës

Edhe nëse puna juaj nuk mund të presë, mos harroni se ka dikush që po tërheq vëmendjen tuaj. Kështu që prisni deri në mëngjes, apo edhe deri të hënën për t’iu përgjigjur postave elektronike të punës, por gjatë mbrëmjes dhe fundjavave, sigurohuni që të jeni së bashku me ata që kanë më shumë rëndësi për ju.

6. Kontrollimi i telefonit tuaj gjatë darkës
Në botën moderne njerëzit janë me nxitim të vazhdueshëm, kështu që darka është një mundësi e rrallë për të kaluar një kohë cilësore së bashku. Është e rëndësishme të siguroheni që të mos qëndroni larg pajisjeve tuaja gjatë darkës.