Dalja me shoqëri, i bën mirë shëndetit fizik e psikik

Prishtinë | 05 Jan 2021 | 23:55 | Nga Ekonomia Online

Është e vështirë ta gjeni një shok, por është edhe më zor t’i mbani shokët e shoqet përgjatë jetës.

Sipas statistikave, ne i takojmë rreth 400 shokë gjatë jetës sonë, por vetëm 33 prej tyre qëndrojnë me ne përgjatë jetës.

Të gjithë prej atyre janë njerëz të rëndësishëm për ne, jo vetëm për t’u treguar lajme apo për t’i diskutuar me ta filmat e fundit, por edhe për t’i kaluar mbrëmjet.

Ata kanë ndikim në shëndetin tonë dhe, siç duket, shoqërimi me ta ka efekt më të madh sesa veç një kohë e kaluar mirë.

Sipas ekspertëve, miqtë ju ndihmojnë ta zhvilloni aftësinë e të vendosurit veten në pozitën e dikujt tjetër.

Pra, ju bëheni shumë më të mirë në kuptimin e ndjenjave të të tjerëve. Kjo është ajo çfarë na bën neve njerëz. Njëkohësisht, mëshira të cilën po ashtu jua zhvillojnë miqtë, ju ndihmon të përjetoni më pak emocione negative, e kjo është gjë e mirë për gjendjen tuaj psikologjike.

Mund të befasoheni, por miqtë ju ndihmojnë që edhe vizualisht t’i vlerësoni gjërat. Ose të themi ndryshe, miqtë ju ndihmojnë t’i shihni gjërat sfiduese apo shqetësuese si diçka më pak kërcënuese.

Lidhjet shoqërore kanë efekt pozitiv edhe në shëndetin fizik. Një studim ka zbuluar se indeksi i masës trupore, shtypja e gjakut dhe disa indikatorë tjerë kishin qenë më të këqij te njerëzit e vetmuar.

Po ashtu, rreziku i inflamacionit ka qenë më i ulët mes njerëzve që kanë pasur një jetë aktive sociale.

Gjithashtu, miqtë dhe lidhjet e forta shoqërore jua zvogëlojnë rrezikun e vdekjes së parakohshme. Miqtë ju ndihmojnë ta reduktoni stresin dhe t’i kaloni më lehtë periudhat e vështira.

Ndër tjerash, miqtë ju ndihmojnë ta shmangni demencën. Sipas studimit, personat e moshuar që ndihen të vetmuar kanë më shumë rrezik ta zhvillojnë këtë sëmundje sepse funksionet kognitive dobësohen kur nuk ka lidhje shoqërore.

Është e rëndësishme të mbani kontakt me miqtë dhe të dilni sa më shpesh me ta.

Të ngjashme