Çka duhet të dini për menopauzën?

Prishtinë | 24 Tet 2022 | 23:26 | Nga Ekonomia Online

Menopauza është një pjesë e natyrshme e plakjes dhe prekë gjysmën e popullsisë së botës.

Kjo gjendje ndodhë kur një grua ndalon të ketë perioda dhe nuk është më në gjendje të mbesë shtatzënë natyrshëm.

Por, ndryshimet në hormonet mund të kenë efekte të mëdha në trup dhe në mënyrën se si silleni.

Cilat janë disa nga simptomat e zakonshme që janë të lidhura me menopauzën?

Një ndryshim në perioda është i lidhur me çrregullime ose me gjakrrjedhje të lehtë ose të rëndë dhe është një ndër indikatorët kryesorë që tregon se po shkoni drejt fazës së menopauzës.

Simptomat e tjera të zakonshme, janë afshet, çrregullimet e gjumit dhe tharja vaginale.

Tharja vaginale mund të shkaktojë dhimbje dhe parehati gjatë marrëdhënies seksuale, ashtu sikundër të rrisë rrezikun e zhvillimit të infeksioneve bakteriale. Një krem estrogjen ose tableta mund të përdoret për trajtimin e tharjes vaginale. Mbajtja e një jete aktive seksuale gjithashtu mund të ndihmojë në lidhje me parehatinë vaginale sepse ajo ndihmon në ruajtjen e elasticitetit të murit vaginal.

Simptomat urinare, duke përfshirë problemet e kontrollit të fshikëzës, ndjenjën e djegies gjatë urinimit dhe rritjen e rrezikut të infeksioneve të traktit urinar, janë gjithashtu të zakonshme. Ushtrimet e zonës së pelvikut mund të ndihmojnë në problemet me kontrollin e fshikëzës.

Disa gra vuajnë nga ndryshimet në disponim, probleme me përqëndrimin ose problemet me memorien e tyre afatshkurtër, por këto probleme nuk janë gjithmonë simptoma të ndryshimeve hormonale, ato mund të jenë gjithashtu të lidhura me stresin dhe mungesën e gjumit.

Të ngjashme