Java e punës me 20 orë do të forconte ekonominë dhe kualitetin e jetës

Prishtinë | 12 Nën 2018 | 08:47 | Nga Ekonomia Online

Edhe pse të ardhurat do të reduktoheshin në mënyrë drastike, për shkak të orarit të shkurtuar të punës, njerëzit do të kishin më shumë kohë për më të dashurit e tyre, ndërsa një numër i madh i të papunëve do të fitonte shansin për punë.

Java e shkurtuar e punës do të ndihmonte ekonominë dhe në këtë mënyrë do të krijoheshin vende të reja të punës dhe do të përmirësohej kualiteti i jetës, pohojnë ekspertët britanikë nga shoqata “Ekonomia e re”.

Sipas tyre, duhet të aplikohet java 20-orësh e punës në vend të 40 orëve të zakonshme. Njerëzit në këtë mënyrë do të kishin më shumë kohë për familje, do të mundësohej ndarje më e mirë e punëve dhe do të mendonin më shumë për mënyrën se si ndikojnë në mjedis. Por edhe të ardhurat do të reduktoheshin në mënyrë drastike, transmeton Koha.net.

“Ekziston mosbalancim i madh në mes njerëzve që janë të stërpaguar për punë dhe atyre që janë të paguar shumë pak apo që nuk marrin fare rrogë. A jetojmë vetëm për të punuar dhe fituar apo fitojmë për të shpenzuar?”, pyet Anna Coote nga shoqata.

Disa shtete si Britania e Madhe u mundësojnë prindërve orar më fleksibil për të kaluar më shumë kohë me fëmijët, ndërsa “Ekonomia e re” angazhohet që kjo e drejtë t’u mundësohet të gjithëve, shton ajo.

Fjalë Kryesore:

Të ngjashme