Kjo është arsyeja pse ju bezdis kur dikush përtypet pranë jush

Prishtinë | 01 Sht 2023 | 23:11 | Nga Ekonomia Online

A irritoheni kur dëgjoni dikë pranë jush duke trokitur stilolapsin e tij? Apo tingulli që nxjerr kur pi kafe? Apo zhurma që lëshon kur godet tastet e kompjuterit? Megjithatë, nuk jeni vetëm nëse keni menduar kështu.

Pra, pse disa njerëz janë kaq të ndjeshëm ndaj tingujve që nuk shqetësojnë të tjerët? Përgjigja qëndron në një çrregullim të trurit të quajtur misofoni, i cili i shkakton ata të kenë shpërthime zemërimi, ankthi dhe ndonjëherë, sulme paniku.

Shkencëtarët kanë zbuluar se arsyeja pse disa njerëz ndjejnë siklet kur dëgjojnë zhurma të ndryshme, të vogla, si përtypja e ushqimit, është misofonia, e cila prek deri në 20% të njerëzve.

Misofonia: Arsyeja pse disa tinguj ju acarojnë

Përgjigja e zakonshme për këdo që ankohet për tingullin që bën fqinji i tyre kur përtypet çamçakëz është “mos u bëni kaq të zhurmshëm/ekzagjerues”.

Megjithatë, hulumtimet e viteve të fundit tregojnë se ata që ankohen për tinguj të caktuar janë çdo gjë tjetër veçse të çuditshëm. Përkundrazi, ka shumë gjasa që të vuajnë nga një çrregullim neurologjik, i cili quhet “misofonia”.

Për shumë njerëz, tingulli që bën dikush kur pi kafe ose merr frymë rëndë mund të jetë tepër i bezdisshëm .

Sipas gjetjeve të hulumtimit, disa tinguj veçanërisht të të ngrënit, të pirit dhe të frymëmarrjes mund të nxisin aktivitetin në pjesët e trurit që merren me emocionet. Kjo mund të shkaktojë një reagim të fortë emocional, duke çuar në zemërim ose ankth.

Misofonia mund të ndodhë edhe tek fëmijët e vegjël, deri në atë pikë sa ata shqetësohen aq shumë nga tingujt që bëjnë të tjerët kur hanë, saqë mund të hanë vetëm kur janë vetëm.

Komuniteti shkencor thekson se duhet shumë më tepër punë për të kuptuar se çfarë e shkakton misofoninë dhe si mund të trajtohet.

Të ngjashme