Kjo është mënyra më e mirë për t’u ndarë

Prishtinë | 12 Nën 2023 | 08:33 | Nga Ekonomia Online

Jo më kot dëgjojmë shpesh të thuhet se ndarjet janë të vështira. Janë! Shpesh ka debate që diskutojmë çfarë është më mirë, të lësh apo të jesh e lëna, por në të vërtet sidoqoftë situata, është e vështirë.

Gjithsesi, nëse arrini në përfundimin se lidhja nuk po funksionon, është koha të vendosni. Tani problemi i radhës është: “Si të ndaheni duke lënë tek partneri shije të mirë”? Ndiqni guidën më poshtë.

1. Jepini historisë peshën që meriton.

Veçanërisht, nëse lidhja ka qenë e gjatë është shumë e rëndësishme ta respektoni partneren gjatë këtij procesi. Ndonëse jetojmë në botën e mesazheve, mos u ndani me një sms apo në ËhatsApp. Kjo mënyrë, përveçse ngjan e pasjellshme, s’i jep mundësi palës tjetër t’ju shohë në sy dhe t’ju pyes për çdo dilemë që ka. Dhimbja e tij/saj do të bëhet edhe më e madhe dhe me shumë gjasa do t’ju telefonojë pa pushim. Nëse të paktën ju intereson mirëqënia e tij/saj, gjeni një tjetër mënyrë.

2. Tregohu i ndershëm rreth asaj që po ndodh

Mundohu që gjatë kësaj kohe të tregohesh i hapur dhe i sinqertë për çfarë ndjen dhe mendon. Kjo do të të shpëtojë nga shumë ndjesi të këqija në vijim, shkruan anabel. E mira është t’i flisni partnerit/es për përfundimet që keni arritur, për prioritetet dhe gjithçka tjetër. Përpiquni të mos e fajsoni atë .

3. Bëjeni një ndarje të qartë!

Nëse doni t’i bëni një nder vetes apo partnerit/es, bëjini gjërat e qarta. Detyra juaj është të tregoheni të qartë dhe të prerë nëse vërtet e keni ndarë mendjen. Të lini dikë në pritje, apo me dilema nuk është aspak e ndershme dhe e drejtë për palën tjetër.

4. Mos u ndani në publik

Me shumë gjasa, vendi perfekt për t’u ndarë nuk ekziston. Gjithsesi, nëse e dini sa emocional është partneri/ja juaj mos e bëni në sy të njerëzve të tjerë. Një vend me njerëz do të ndikojë tek cilësia e bisedës që do të bëni me njëri tjetrin.

5. Jini i sjellshëm gjer në fund!

Ky rregull duhet kujtuar në çdo hap të këtij procesi. Sado e vështirë të jetë, tregohuni të sjellshëm dhe të duruar. Dhe, nëse keni mundësi ta vendosni veten në vendin e tij/saj, bëjeni.

Fjalë Kryesore:

Të ngjashme