Nuk merrni nga partneri juaj aq sa jepni? Ja shenjat paralajmëruese që lidhja po mbahet vetëm nga njëra anë.

Njerëzit priren që të ndahen nga partnerët egoistë sepse ata e teprojnë me intimitetin që kërkojnë. Ata janë të gatshëm që të përkushtohen me të gjitha mënyrat emocionalisht. Psikologët paralajmërojnë se marrëdhëniet e njëanshme ndikojnë shumë te ndjenjat duke shkaktuar ankth dhe stres. Nëse zëri juaj i brendshëm ju jep shenja paralajmëruese duhet të ndaloni dhe të vlerësoni në mënyrë kritike marrëdhënien tuaj.

Dashuria është një rrugë ku duhet të kontribuojnë të dyja palët. Por ja si mund t’i identifikoni shenjat e zakonshme të një marrëdhënie të njëanshme ku ndjeheni të lënë pas dore.

Lexoni këshillat e mëposhtme:

Ju gjithmonë bëni plane për të dytë – Shkruani gjithmonë ju, planifikoni vetëm ju takimet dhe argëtimet e ndryshme që ai të ndihet mirë.

Ndiheni sikur nuk e njihni në të vërtetë partnerin tuaj – Ai asnjëherë nuk është shprehur për të kaluarën e tij ose nuk ju kërkon mbështetje pas një dite të vështirë në punë. Bisedat tuaja janë sipërfaqësore. Pra, si planifikoni të kaloni pjesën tjetër të jetës tuaj me këtë person nëse nuk dini karakterin e tyre të vërtetë?

Ju keni frikë të jeni vetvetja – Ndiheni shpesh sikur nuk mund të ndani probleme me partnerin tuaj. Ju nuk mund të shprehni para tyre shqetësimin tuaj sepse ata do të mërziten menjëherë dhe do t’ju thonë “ta kapërceni atë”. Mos harroni, ata nuk ju meritojnë, nëse nuk janë aty për ju në rastin tuaj më të keq.

Ju i vendosni nevojat e tyre mbi tuajat – Kur jeni bashkë, ju bëni vetëm atë që ata dëshirojnë. Ata zgjedhin filmat, restorantet dhe nuk u interesojnë pëlqimet tuaja. Me kohën, ju filloni të përvetësoni personalitetin e tyre dhe t’i thoni vetes se gjithçka që ata duan të bëjnë është mirë me ju. Jo. Nëse një person me të vërtetë ju do, ata duan t’iu mbështesin dhe të bëjnë gjërat që ju pëlqeni.

Ju kërkoni falje për sjelljen e tij – A e gjeni shpesh veten duke u ndjerë keq për sjelljen e partnerit tuaj para miqve ose familjes suaj? A keni thënë ndonjëherë, “Oh, ata janë me humor të keq sot” dhe gjithashtu kërkoni ndjesë për atë. Mundohuni të flisni me miqtë tuaj, ndonjëherë një mendim i jashtëm mund t’ju çojë në rrugën e duhur.

Ju vazhdimisht ndjeheni të lodhur emocionalisht – Bërja e planeve për të dy dhe argëtimi i tyre është vërtet rraskapitës. Nuk është çudi që jeni stresuar, ju jepni aq shumë pa marrë asgjë. Ju mendoni se ndoshta nëse planifikoni një udhëtim të mrekullueshëm ose u jepni atyre një dhuratë për të cilën gjithmonë kanë ëndërruar, më në fund do të merrni diçka në këmbim. Dhe kur nuk ndodh kurrë, ndjehesh e zhgënjyer dhe e lodhur. Në thelb, ju po sakrifikoni për dikë që nuk shpenzon as 5 minuta për ju.

Keni frikë ta shqetësoni atë në çfarëdolloj mënyre – Ju nuk doni të thoni diçka të gabuar ose ta mërzitni ata në asnjë mënyrë. Pyete veten, pse po e mban kaq fort atë gjë që të shkakton ankth? Ju duhet të ndjeheni të lirë të flisni për problemet në marrëdhënien tuaj në një mënyrë të shëndetshme. Shmangia e tyre për hir të partnerit tuaj nuk ju bën aspak mirë.

Ju ndjeni nevojën për të kërkuar falje kur nuk duhet. A ndiheni shpesh fajtorë dhe nuk e kuptoni pse? Partneri juaj mund të kthejë çdo konflikt kundër jush. Nëse ndonjëherë keni kërkuar falje për gjëra që nuk është faji juaj, atëherë kjo nuk është një marrëdhënie e shëndetshme. Partnerët e barabartë nuk e trajtojnë njëri-tjetrin në atë mënyrë.