A kishte rrahje mes Ahmetit dhe Tovërlanit mbrëmë? Sqarohet kryetari i Prishtinës

Prishtinë | 26 Tet 2021 | 21:43 | Nga Ekonomia Online

Kryetari i Prishtinës, Shpend Ahmeti, ka sqaruar se cfarë ka ndodhur mbrëmë mes tij dhe trajnerit të futbollit, Afrim Toverlani.

Nëpër medie ka qarkulluar lajmi se Toverlani ka shkuar në shtëpinë e Ahmetit që të sulmojë atë me thikë, por ky i fundit thotë se Toverlanin e ka mik dhe se nuk ka pasur kurrfarë ballafaqimi me të mbrëmë.

“Falemnderit të gjithëve për pyetjet e kujdesin.  I pash edhe titujt ne portale.  Nuk ka pas kurrfarë ballafaqimi fizik e as luftë më thika. Afrimin e njoh moti dhe e kam mik”, ka thënë ai në një status në Facebook.   

Tutje ai ka treguar se Toverlani ka shkuar mbrëmë tek shtëpia e tij por nuk e ka gjetur aty.  

“Ka qenë mbrëmë të shtepia kur nuk kam qenë unë dhe e ka thirr vetë policinë e cila me të arritur e ka arrestuar.  Nuk ndihem as i kërcënuar e as i rrezikuar nga Afrimi edhe pse vizitat e vona në shtëpi kur nuk jam prezent dhe me fëmijë të mitur prezent nuk janë të mirëseardhura.  Mirëpo, nuk ka pas as fjalosje e as ndonjë fjalë të rëndë me fëmijet dhe familjen”, thotë Ahmeti.

“Shpresoj që këtë incident Afrimi ta sqaroj e kaloj sa më lehtë me organet e rendit.  Duke e pas mik qe një kohë të gjatë nuk besoj që ka pas qëllim të sulmit apo kërcënimit”, përfundon ai. 

Të ngjashme