Kryetari i LDK-së, Lumir Abdixhiku ka vizituar familjen Rrustemi në Pakashticë të Epërme me rastin e ndarjes nga jeta të Sevdail Rrustemi i cili humbi jetën në aksidentin tragjik në Kroaci.

Bashkë me Abdixhikun ishin edhe sekretari, Imri Ahmeti dhe kandidati i Podujevës, Ekrem Hyseni.

Të njëjtit i kanë shprehur ngushëllime familjes Rrustemi me rastin e ndarjes nga jeta të Sevdail Rrustemi.

Kujtojmë se të dielën, dhjetë veta me prejardhje nga Kosova humbën jetën dhe mbi dyzet u plagosën kur autobusi me të cilin udhëtonin, doli nga rruga në qytetin kroat, Sllavonski Brod.

Autobusi me 67 pasagjerë, përfshirë fëmijë, ishte nisur nga Frankfurti për në Prishtinë.

Në pansionin, që ka pranuar udhëtarët që nuk kanë qenë të lënduar nga aksidenti, janë 15 persona.