AGK: Gazetarët të respektojnë Kodin e Mediave të Shkruara të Kosovës dhe atë Etik gjatë punës së tyre

Prishtinë | 07 Gus 2021 | 15:48 | Nga Ekonomia Online

Asociacioni i Gazetarëve të Kosovës, u ka bërë thirrje gazetarëve që të respektojnë Kodin e Mediave të Shkruara të Kosovës dhe Kodin Etik për Ofruesit e Shërbimeve Mediale në Republikën e Kosovës, gjatë zhvillimit të punës së tyre.

Ky reagim i AGK-së vjen pas disa audio-incizimeve të publikuara në media.

AGK thekson se kredibiliteti i mediave është ngushtë i lidhur me zbatimin e standardeve etike dhe ligjore nga ana e gazetarëve.

Reagimi i plotë:

AGK-ja qëndron për respektim të Kodit Etik të Mediave

Në dritë të zhvillimeve të fundit, Asociaiconi i Gazetarëve të Kosovës dëshiron të ritheksojë se qëndron prapa thirrjes që gazetarët të respektojnë Kodin e Mediave të Shkruara të Kosovës dhe Kodin Etik për Ofruesit e Shërbimeve Mediale në Republikën e Kosovës, gjatë zhvillimit të punës së tyre.

AGK-ja e ka parasysh se kredibiliteti i mediave është ngushtë i lidhur me zbatimin e standardeve etike dhe ligjore nga ana e gazetarëve.

AGK-ja inkurajon zhvillimin e gazetarisë profesioniste, e cila është shtyllë e rëndësishme në funksionimin e demokracisë të një vendi.

Të ngjashme