Albin Kurti reagon për sulmin ndaj gazetarit, Visar Duriqi

Prishtinë | 25 Shk 2021 | 19:40 | Nga Ekonomia Online

Kryetari i Lëvizjes Vetëvendosje, Albin Kurti ka reaguar për sulmin që iu bë gazetarit të njohur, Visar Duriqi.

Kurti ka shkruar se rrahja e gazetarëve për shkak të punës dhe fjalës së tyre është fenomen negative që populli i Kosovës nuk i duron.

Ai i ka uruar shërim të shpejtë gazetarit, Visar Duriqi.

Postimi i plotë i Albin Kurtit:

Qeveria kujdestare rekordeve të veta të këqija po u shton edhe atë të problemeve me rendin publik. Rrahja e familjarëve të politikanëve për shkak të qëndrimit të tyre politik, rrahja e gazetarëve për shkak të punës dhe fjalës së tyre, janë fenomene negative që populli i Kosovës nuk i duron.

Qeveria e ardhshme e konsideron si mision ruajtjen e demokracisë dhe të lirisë së fjalës, bindjes e veprimtarisë politike, sipas ligjit. Ata që mendojnë se mund ta ndalin demokracinë me gangsterizim, le ta dinë se koha e tyre ka perënduar. Njëri-tjetrin mund “ta mundim” vetëm me fakte, me argumente, me logjikë e me mjete demokratike. U bëj thirrje forcave të rendit që me profesionalizëm e angazhim të vënë sa më shpejt para përgjegjësisë dhunuesit.I uroj shërim të shpejtë e rikthim në detyrë gazetarit Visar Duriqi.

Fjalë Kryesore:

Të ngjashme