Policia e Kosovës ka njoftuar se ka arrestuar një grua nga fshati Grashticë për armëmbajtje pa leje.
Sipas policisë e dyshuara, me datë 20 janar kishte shtënë me armë zjarri në shtëpinë e saj.
E njëjta fillimisht ka refuzuar se posedon armë zjarri por pas hetimeve dhe bisedave të zhvilluara, njëri nga anëtarët e familjes e ka dorëzuar armën e llojit kallashnikovë, e cila është konfiskuar nga policia.
Pas intervistimit e dyshuara me vendim të prokurorit është liruar në procedurë të rregullt.