Një zyrtar policor në Ferizaj është arrestuar nën dyshimin për keqtrajtim gjatë ushtrimit të detyrës zyrtare, duke përdorur forcën ndaj një qytetari.

Qytetari që pretendon se polici ka kaluar kompetencat e tij në një lokal në Ferizaj, është ankuar tek Inspektoriati Policor i Kosovës, gjë që rezultoi me arrestimin e policit.

“Pas disa veprimeve hetimore në konsultim me prokurorin kompetent hetuesit e IPK-së lidhur me këtë rast kanë arrestuar dje një zyrtar policor (punonjës në Stacionin Policor Ferizaj) që ishte i përfshirë në këtë incident.”

“Arrestimi i tij është bërë me dyshimin se i njëjti ka kryer veprën penale “keqtrajtim gjatë ushtrimit të detyrës zyrtare” kurse me vendim të prokurorit të njëjtit i është caktuar masa e ndalimit për 48 orë”, thuhet në komunikatën e IPK-së.