Arrijnë 400 pakot e para për familjet në nevojë, vazhdon akoma fushata #700për700

Prishtinë | 18 Pri 2020 | 20:18 | Nga Ekonomia Online

Për 400 familje me gjendje ekonomike jo të mirë, sot janë siguruar produkte ushqimore e higjienike nga donacionet e qytetarëve të Kosovës dhe nga Diaspora.

Fushata #700për700 u ogranizua nga Komuna e Kamenicës, organizata GERMIN, platforma “Invest in Kamenica” dhe Global Albanians Foundation, dhe u përkrah edhe nga Klubi i Prodhuesve të Kosovës dhe “Besa Foundation” – Rrjeti i parë i bizneseve shqiptare në Gjermani”.

Të pranishëm në pranimin e këtyre donacioneve ishte Kryetari i Komunës së Kamenicë Qëndron Kastrati, Sihana Bejtullahu dhe Arbnor Mjeku nga organizata Germin, Astrit Panxha dhe Vllaznim Osmani nga Klubi i Prodhuesve të Kosovës.

I pari i Komunës, Qëndron Kastrati tha se është shumë i lumtur që me mobilizimin e jashtëzakonshëm të qytetarëve nga Kosova dhe mërgata, po u plotësohen nevojat bazike familjeve në nevojë gjatë kësaj gjendje.

“Pandemia e shkaktuar nga virusi SARS-CoV-2, ka rënduar supet e këtyre familjeve, kurse me mobilizim të jashtëzakonshëm të qytetarëve e bashkëqytetarëve tanë nga mërgata, po u plotësohen nevojat e tyre bazike, faleminderit 400 herë. Kjo fushatë u organizua në bashkëpunim me organizatën GERMIN, platformën “Invest in Kamenica” dhe Global Albanians Foundation, u përkrah edhe nga Klubi i Prodhuesve të Kosovës dhe “Besa Foundation” – Rrjeti i parë i bizneseve shqiptare në Gjermani, u jemi mirënjohës gjithmonë”, tha Kastrati.

Kjo fushatë është duke vazhduar, prandaj ne ju bëjmë thirrje të gjithë bashkatdhetarëve dhe qytetarëve të Kosovës për përkrahje, duke kontribouar përmes këtyre linqeve:

Linku për donacione nga diaspora:​

https://www.facebook.com/donate/694627924676321/?fundraiser_source=external_url
Linku për donacione nga Kosova:

https://charity.gofundme.com/…/ndihmo-700-familjet-n-nevoj-…

Të ngjashme