Vetëm një i infektuar me Covid-19 në Qendrën e Studentëve – Sfishta: Po respektohen masat

Prishtinë | 22 Shk 2021 | 11:17 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Drejtori i Qendrës së Studentëve, Fatmir Sfishta, në një intervistë për Ekonomia Online ka thënë se në këtë qendër tashmë janë të vendosur  1 600 studentë.

Tutje, ai tha se deri më tani është vetëm një studentë i infektuar me Covid-19.

“Është bërë vendosja e gjithë studentëve që është paraparë me rekomandimet e institucioneve shëndetësore me nga një studentë në dhomë ku janë gjithsej 1 600 studentë që janë vendosur në konviktet e Qendrës Studentore”.

“Deri më tash vetëm një rast ka rezultuar pozitiv me Covid. Të gjitha masat janë marrë në mënyrë që të kontrollohen të gjithë studentët”.

Sipas tij, në secilën dhomë është i vendosur vetëm një studentë, raporton EO.

“Një studentë në një dhomë. Në raste të veçanta familjar janë vëllai me vëlla dhe motra me motër”.

Ai tha se janë marrë të gjitha masat për menaxhimin e situatës në mënyrë që të mos bartet virusi te studentët.

Mes tjerash, Sfishta theksoi se ushqimi shpërndahet te studentët dhe ata e marrin të paketuar.

“Sa i përket vendosjes dhe menaxhimit në Qendrën e Studentëve  ky nuk do të jetë shkak që të rritet infeksioni sepse këta studentë janë vendosur në atë mënyrë që të ruhen edhe nga bartja e  infeksionin dhe kemi respektuar të gjitha rekomandimet që kanë dalë nga IKShPK”.

“Studentët ushqehen në mensë dhe e marrin ushqimin e paketuar dhe është punë shtesë për stafin tonë”.

Lexo më shumë:

Të ngjashme