Babai i Kadri Veselit në gjendje të palëvizshme, flasin nga Spitali i Mitrovicës

Prishtinë | 03 Maj 2021 | 21:08 | Nga Ekonomia Online

Babai i ish-kryeparlamentarit Kadri Veseli, vazhdon të jetë në gjendje të rëndë shëndetësore, pas sulmit që pësoi në tru.

Infermierja nga Spitali i Mitrovicës ka thënë se babai i Veselit është në gjendje të palëvizëshme.

E kam përcjellë për shkak të kryetarit të PDK-së. Është në gjendje të rëndë qysh e kam parë, për informata më të detajuara jep mjeku, Është i palëvizshëm”, ka thënë ajo.

Njëjtë tha edhe kryeinfermieri i Klinikës së  Neurologjisë, i cili gjatë ditës publikoi edhe një fotografi me babain e Veselit.

Kadri Veseli është parë dje gjatë ditës duke dalë nga spitali i Mitrovicës “Dr.Sami Haxhibeqiri”, aty ku po trajtohet babai i tij.

T7 me burime mëson se Kadri Veseli pas vizitës është dërguar tek zyrat e EULEX-it në Fushë Kosovë.

Ai nuk është lejuar të vizitojë shtëpinë e tij në Mitrovicë, e as banesën e tij në Prishtinë.

https://www.facebook.com/watch/?v=371106867591287&t=0


Të ngjashme