Bahtiri uron për Vitin e Ri: Po përmbyllim një vit të suksesshëm

Prishtinë | 31 Dhj 2017 | 11:46 | Nga

Kryetari i komunës së Mitrovicës, Agim Bahtiri, ka uruar kosovarët për Vitin e Ri 2018-të.

Në dedikimin e Bahtirit për përmbylljen e vitit 2017-të, thuhet se të gjitha planet u realizuan suksesshëm sa i përket investimeve dhe ngritjes së cilësisë së jetës e mirëqenies së përgjithshëm.

”Me përgjegjësinë e kryetarit të Komunës e them se po përmbyllim edhe një vit të suksesshëm në realizimin e objektivave tona, në të gjitha planet, e që kanë të bëjnë me investime në ngritjen e cilësisë së jetës, standardit dhe mirëqenies së përgjithshme. Me angazhim dhe përkushtim të vazhdueshëm edhe gjatë vitit 2018 do të vazhdojmë bashkëpunimin e ngushtë me qytetarët në rrugën e realizimit të projekteve për zhvillimin e gjithëmbarshëm, për jetë më të mirë për çdo qytetar të komunës sonë. Me dëshirën që viti që po vjen t’i përmbushë të gjitha pritjet tuaja, uroj që të jetë vit i shëndetit, mirëqenies, harmonisë dhe paqes mes nesh! Gëzuar e me fat Viti i Ri 2018!” ka përfunduar Bahtiri.

Fjalë Kryesore:

Të ngjashme