Janë bërë homazhe në nderim të zëvendësministrit Arian Daci

Pas ndarjes nga jeta në mënyrë tragjike të zëvendësministrit të Diasporës dhe Investimeve Strategjike, Arian Daci, janë bërë homazhe në hollin e Kuvendit të Kosovës, raporton Ekonomia Online.

Në mesin e shumë familjarëve e miqve të familjes Daci, homazhe kanë bërë edhe krerë të institucioneve shtetërore dhe përfaqësues të partive politike,

Presidenti i vendit, Hashim Thaçi, ka bërë homazhe në nderim të zëvendësministrit Arian Daci.

Homazhe ka bërë edhe kryetari i Kuvendit të Kosovës, Kadri Veseli, i shoqëruar nga ministria dhe anëtarë të Partisë Demokratike të Kosovës.

Kryeministri i Kosovës, Ramush Haradinaj, i shoqëruar nga anëtarë të kabinetit qeveritar, zëvendësministra dhe bashkëpunëtorë, ka bërë homazhe pranë arkivolit në hollin e Kuvendit të Kosovës, pas ndarjes nga jeta në mënyrë tragjike të zëvendësministrit të Diasporës dhe Investimeve Strategjike, Arian Daci.

Pas homazheve kryeministri Haradinaj është nënshkruar në librin e zisë. “Arian i dalluar për vlera njerëzore. Do të na mungosh!”, ka shkruar kryeministri Haradinaj.

Homazhe kanë bërë edhe përfaqësues të Lidhjes Demokratike të Kosovës, Lëvizjes Vetëvendosje dhe të tjera.

Ariani, i biri i akademik Nexhat Daci, ndërroi jetë dje në moshën 40 vjecare në mënyrë aksidentale në Brezovicë, të cilin e ka zënë një ortek.

Përndryshe, Daci ka qenë farmacist me profesion.

Homazhe në nderim të zëvendësministrit Arian Daci

?DREJTPËRDREJT – Homazhe në nderim të zëvendësministrit Arian Daci

Posted by EkonomiaOnline on Sunday, January 27, 2019