Biznesmeni nga Maqedonia ndihmon gratë e Krushës që t’i eksportojnë produktet e tyre

Prishtinë | 27 Qer 2017 | 19:38 | Nga

Nga lufta dolën të rraskapitura, me burra, fëmijë të vrarë të zhdukur, e prona të djegura, por gratë e Krushës së Madhe, asnjëherë nuk u dorëzuan para vështirësive.

Gjithçka nisi me kultivimin prodhimin, dhe konservimin e perimeve. Këto gra arritën madje të bëheshin gra të zonjat dhe të njohura për këtë lëmi.

Prodhimet e tyre përveç tregut të brendshëm, para pesë viteve arritën që të eksportoheshin edhe jashtë kufijve të Kosovës.

E e gjithë kjo u realizua fal ndihmës së biznesmenit nga qyteti i Gostivarit të Maqedonisë Vezir Islami.

“… i kam pa vuajtjet e tyre, atyre u është dashur një ndihmesë. Ka pesë vite që u ndihmojë për eksportim të turshive në Zvicër”, tregon Islami.

E vetëm, gjatë këtij viti biznismeni nga Gostivari i Maqedonisë i ka importuar në Zvicër më shumë se 100 mijë kilogram turshi.

“Këtë vit i kam importua në Zvicër 100 mijë kilogram turshi”, thotë Islami.

Ai shpjegon se para pesë viteve kur e ka filluar këtë punë kishte arritur që t’i eksportojë në Zvicër më shumë se 20 mijë kilogram turshi.

“Para 5 viteve kur kam kur kam fillua me i importua turshi e Krushës dikund 20.000 kilogram i kam importua”, tregon ai.

Isami shpjegon se me tregti ka filluar që të merret qysh nga viti 2007. Pesë vite më vonë Islami ka hapur marketin e dytë kurse një vit pas më 2013 afaristi Vezir Islami ka haour edhe biznesin e tij për mirëmbajtjen e ndërtesave, dhe hoteleve.

E me logo të “Kooperativës Bujqësore Gratë e Krushës së Madhe” drejt Zvicrës fal ndihmës së vazhdueshme të Vezir Islamit do të nisen edhe shumë kontigjen të tjerë të produkteve të grave të Krushës së Madhe.

Fjalë Kryesore:

Të ngjashme