BSPK u takua me përfaqësuesit e KFOR-it Italian

Prishtinë | 18 Shk 2022 | 13:16 | Nga Ekonomia Online

Përfaqësuesit e KFOR-it Italian, të Njësitit Ndërlidhës, Invernizzi dhe Perla, sot, e premte, më 18 shkurt 2022, u pritën në Takim nga Kryetari i Bashkimit të Sindikatave të Pavarura të Kosovës, Atdhe Hykolli.

Përfaqësuesit e Njësitit Ndërlidhës të KFOR-it Italian kanë në rrjedhën e tyre të punës takimet e rregullta me BSPK-në, dhe në këtë takim u informuan për punën e BSPK-së që të mund të ndërlidhen në bashkëpunimin e mëtejshëm, dhe për të informuar me punën e sindikatave e në veçanti për punën e BSPK-së Komandantin e ri të misionit të KFOR-it, gjeneralin italian Franco Federici-n .

Kryetari i BSPK-së, z. Hykolli, u tha përfaqësueseve të KFOR-it se sindikatat nuk janë për të rrënuar shtetin po janë për të vepruar në drejtim të ngritjes së mirëqenies sociale të të punësuarve duke mos e prishur rendin kushtetues.

Përfaqësuesit e KFOR-it ofruan përkrahjen e tyre për punën e BSPK-së.

Të ngjashme