Cilësia e ajrit në Komunën e Prizrenit nuk matet nga autoritetet lokale, pasi që Ekzekutivi komunal ka dështuar në realizimin e projektit për blerjen e pajisjeve të domosdoshme për këtë.

Zyrtarët komunalë kanë pranuar dështimin në realizimin e këtij projekti, duke e arsyetuar me mungesë të mjeteve të mjaftueshme financiare, shkruan sot Koha Ditore.

Drejtori i Administratës së Prizrenit, Ilir Baldedaj, ka theksuar se projekti për blerjen dhe instalimin e pajisjeve për matjen e cilësisë së ajrit nuk është realizuar për shkaqe buxhetore.