Diskutim i gjatë në komision, Muratit i kërkohet të bëjë zgjidhje për buxhetin e RTK-së

Prishtinë | 03 Dhj 2021 | 17:37 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Komisioni për Buxhet, Punë dhe Transfere shqyrton Projektligjin mbi Ndarjet Buxhetore për Buxhetin e Republikës së Kosovës për vitin 2022, dhe diskutim më të gjatë pati buxheti për Radio Televizionin e Kosovës shkruan EkonomiaOnline.

Kryetari i Komisionit Armend Muja ka thënë se lidhur me ndarjen buxhetore për vitin 2022, sot është mbyll afati për amandamentim.

“Me datën 22 dhjetor shkon në seancë për shqyrtim kur edhe pritet miratimi i tij. Ne do ta trajtojmë për ndarjen e buxhetit për RTK-në të martën”, deklaroi Muja.

U propozua që ndarja buxhetore të votohet si tërësi si pjesë tekstuale. Me shumicë votash u votua pjesa tekstuale ndërsa vetëm deputeti i Lidhjes Demokratike të Kosovës, Avdullah Hoti abstenoi.

Në Komisionin për Buxhet dhe Transfere ishte i pranishëm edhe Minstri i Financave, Hekuran Murati.

“Për vitet pasuese thuhet që Kuvendi do të gjejë zgjidhje për RTK-në dhe nuk qëndron më ai obligim. Nëse kërkohet mëndimi i qeverisë, shuma është e mjaftueshme. Më e favorshme kishte me qenë të hënën të trajtohen amandamentet”, deklaroi Murati.

Deputeti i Partisë Demokratike të Kosovës, Mërgim Lushtaku, kërkoi nga ministri Murati që të gjejë një zgjidhje për RTK-në.

“Në Ligjin e RTK-së është 0.7% buxheti i Kosovës. Kërkoj që kjo shumë të rritet në bazë të Ligjit për RTK. Derisa nuk bëjmë një zgjedhje për RTK-në duhet të mbështesim me buxhetin që ka pasur paraprakisht. Kërkoj nga ministri Murati të gjendet një zgjidhje për RTK. Propozoj që shuma të jetë sa ka qenë në vitin e kaluar”, deklaroi Lushtaku.

Lexo më shumë:

Të ngjashme