Asnjë kompani e sigurimeve që operon në Kosovë nuk ka të licencuar sigurimin e anijeve dhe rimorkiove. Megjithatë, Dogana e Kosovës në tenderin për “sigurimin e automjeteve” në mesin e 122 automjeteve, e ka futur edhe një anije dhe rimorkio që e ka marrë si donacion, për patrullim në liqenet kufitare, shkruan sot Koha Ditore.

Por, Gjykata e Tenderëve e ka anuluar këtë aktivitet të prokurimit, pas sqarimit që ka marrë nga Banka Qendrore e Kosovës, e cila thotë se aktualisht asnjë kompani nuk mund të ofrojë shërbim të tillë.