Drejtori i Përgjithshëm i Policisë së Kosovës, Samedin Mehmeti tha se puna e secilit pjesëtar të Policisë është një përgjegjësi në vete, raporton Ekonomia Online.

Mehmeti në 22-vjetorin e themelimit të Policisë së Kosovës ka kërkuar nga secili policë që të mos të shkelin asnjëherë besimin e qytetarëve.

“Puna e secilit pjesëtarë të policisë është i lidhur ngushtë me punën dhe përgjegjësitë që kemi. Të sigurosh jetën dhe pronën e qytetarit është një përgjegjësi mjaft e madhe”.

“Sot ju drejtohem me një kërkesë që të mos shkelni asnjëherë besimin e qytetarëve. Në nder të kësaj dite kujtoj të rënët ne detyrë që janë frymëzim për të vazhduar përpara”, tha Mehmeti.

Tutje ai tha se Policia e Kosovës do të vazhdoj të kontribuojë në sigurinë e vendit me profesionalizëm të plotë.

LEXONI EDHE:

24 policë kanë vdekur nga Covid-19, Sveçla bën të ditur se janë vaksinuar rreth 8 mijë pjesëtarë