Dy raste të organizimit të lojërave të fatit në Gjilan, arrestohen tre persona

Prishtinë | 09 Tet 2021 | 09:56 | Nga Ekonomia Online

Tre persona janë arrestuar pasi të njëjtit dyshohet se kanë organizuar lojëra të fatit në lokalet e tyre në Gjilan.

Sipas policisë, njëri rast ka ndodhur në një lokal në Gjilan, ku është arrestuar një person dhe ndër të tjera i janë konfiskuar 8 mijë e 545 para të gatshme.

“Është arrestuar i dyshuari mashkull kosovar, pasi që në lokalin e tij kishe organizuar lojëra të fatit-bixhoz. Si prova materiale janë konfiskuar një shtëpizë kompjuterike, një monitor, një printer, 5 televizor, një telefon mobil dhe rreth 8.545 euro para të gatshëm. Me vendim të prokurorit, i dyshuari është dërguar në mbajtje” thuhet në njoftimin e policisë.

Ndërkaq rasti tjetër ka ndodhur në fshatin Dobreqan, ku janë arrestuar dy persona, dhe pos provave materiale u janë konfiskuar edhe para të gatshme.

“Janë arrestuar dy të dyshuar meshkuj kosovar, pasi që lokalin e tyre kanë organizuar lojëra të fatit-bixhoz. Si prova materiale janë konfiskuar tri shtëpiza kompjuterike, katër monitor, një printer, tre televizor dhe 38.60 euro para të gatshme. Me vendim të prokurorit, të dyshuarit janë dërguar në mbajtje”.

Fjalë Kryesore:

Të ngjashme