Fjala uron për festën e Fitër Bajramit

Prishtinë | 13 Maj 2021 | 10:16 | Nga Ekonomia Online

Partia Fjala ka uruar besimtarët myslimanë për festën e Fitër Bajramit.

Përmes një komunikate të dërguar për medie uron që të sundojë drejtësia, paqja, toleranca për të gjithë qytetarët e Kosovës.

Urimi i plotë:

Të nderuar qytetarë të besimit Islam,

Kemi kënaqësinë të ju urojmë festën e Fitër Bajramit, festë kjo që na bashkon, gëzon dhe tregon se në përfunduam me sukses Muajin e Bekuar të Ramazanit dhe arritëm të i përgjigjemi obligimit madhor të ZOTIT të Madhëruar duke agjëruar dhe duke dëshmuar dëgjueshmërinë dhe respektin për obligimet tona fetare.

Lutemi që ZOTI i Lartëmadhëruar të ju shpërblej dhe të ju bekoj për gjitha obligimet dhe adhurimet e kryera gjatë Muajit të Bekuar të Ramazanit.

Në këto ditë feste të Fitër Bajramit, mos t’i harrojmë në lutje jetimët, të varfërit, invalidët si dhe mbarë familjet e atyre që flijuan vetën për mirëqenien tonë shpirtërore dhe fizike që në këtë festë të ndihemi krenar për gjakun e derdhur të më të dashurve të tyre, që solli lirinë dhe pavarësinë e Kosovës.

Lutemi dhe urojmë që në vendin tonë të sundoj drejtësia, paqja, toleranca, bashkëjetesa, respekti dhe solidariteti me të gjithë qytetarët.

Urime, shëndet dhe suksese.
ZOTI i Lartëmadhëruar ju bekoftë.

Të ngjashme