Një erë e fortë ka përfshirë Prishtinën gjatë mesditës, ndërsa mësohet se në Obiliq ka rënë edhe breshër.

Raportohet se era ka rrëzuar edhe një shtyllë të dritës elektrike në Prishtinë, ndërsa i ka detyruar disa prej shitësve ambulantë të largohen nga qendra e qytetit.

Sipas Institutit Meteorologjik të Kosovës, pasditja e së hënës pritet të shoqërohet me reshje shiu.

Po sipas tyre, moti gjatë ditëve në vazhdim do të jetë i ndryshueshëm, ku pritet që në disa pjesë të vendit të ketë edhe reshje shiu.