Gërvalla bisedon për mundësi bashkëpunimi me komunitetin kulturor e biznesor në Tiranë

Prishtinë | 19 Tet 2021 | 17:38 | Nga Ekonomia Online

Në kuadër të vizitës zyrtare në Republikën e Shqipërisë, ministrja e Punëve të Jashtme dhe Diasporës e Republikës së Kosovës, Donika Gërvalla, ka zhvilluar vizita dhe është takuar me përfaqësues të institucioneve kulturore, të arsimit si dhe komunitetin e biznesit në Tiranë.

Gërvalla vizitoi shkollën e Filmit dhe Multimedias “Marubi”. Gjithashtu vizitoi Liceun artistik “Jordan Misja”, ku edhe ka ndjekur mësimet si nxënëse si dhe muzeun “Shtëpia me Gjethe”.

Ajo takoi edhe përfaqësues të bizneseve që promovojnë inovacionin dhe bizneset në sektorin e teknologjisë së informacionit si ICTS Lab.
Në të gjitha vizitat ajo bisedoi për mundësi bashkëpunimi me institucionet dhe komunitetin artistik e biznesor të Kosovës në krijimin e përmbajtjeve promovuese shqiptare nëpër botë.

Të ngjashme