Instituti për sëmundje ngjitëse “Robert Koch” ka njoftuar se gjatë 24 orëve të kaluara në Gjermani janë shënuar 1,018 raste të reja të coronavirusit.
Kjo shifër është shumë më e ulët se numri i shënuar një ditë më parë – mbi 1700, dhe jep shpresë për përmirësimin e mëtejmë të situatës.
Numri i përgjithshëm i të prekurve nga Covid-19 në shtetin me popullsinë më të madhe në Evropë tashmë ka shkuar në 155,193, duke e bërë atë një ndër vendet më të prekura, pas Italisë, Spanjës dhe Francës.
Përpos të infektuarve, gjatë kësaj periudhe u shënuan edhe 110 viktima të reja dhe numri i përgjithshëm i të vdekurve shkoi në 5,750, shkruan “The Guardian”, transmeton Gazeta Express.
Qeveria gjermane para disa ditëve ka marrë vendim për lehtësimin e disa masave kufizuese, pavarësisht paralajmërimeve të infektologëve për mundësinë e shtimit të rasteve.