Kryeparlamentari Glauk Konjufca është shprehur i tronditur pas lajmit se 46 persona, kryesisht shqiptarë nga Maqedonia e Veriut, gjetën vdekjen në një aksident me autobus në Bullgari, teksa po ktheheshin nga Turqia.

Konjufca shkroi se u ka shprehur ngushëllime familjarëve të viktimave.

“Ky mëngjes na tronditi me lajmin e hidhur për tragjedinë e ndodhur ne Bullgari. 46 qytetarë të Maqedonisë së Veriut njoftohet se kanë humbur jetën në autobusin që po kthehej nga Turqia. Ngushëllime familjarëve të viktimave, bashkëndjejmë dhe jemi me ta në këtë tragjedi, si dhe lutemi për shërimin sa më shpejtë të të lënduarve”, ka shkruar Konjufca në Facebook.