Gucati: Qeveritarët i bënë 3000 veteranë pa qenë në luftë

Prishtinë | 20 Tet 2016 | 09:19 | Nga

Kryetari i ri i OVL-UÇK-së, Hysni Gucati, thotë se listën e veteranëve e ka fryrë vetë Qeveria. Ai thotë se qeveritarët kanë sjellë mbi 3 mijë emra për t’i bërë veteranë, për të cilët Gucati thotë se nuk e dinë ku kanë qenë në luftë

Numrin e madh të veteranëve nuk e sheh problem për buxhetin e shtetit kryetari i ri i OVL-UÇK-së, Hysni Gucati.

Ai në një intervistë për gazetën “Zëri” flet për listat e veteranëve, për të cilat thotë se nuk janë fryrë nga komandantët apo organizatat e dala nga lufta, por nga vetë Qeveria.

 Ai thekson se ishin pikërisht qeveritarët, pa specifikuar me emra, që sollën mbi 3 mijë emra për t’i bërë veteranë, për të cilët Gucati thotë se nuk e dinë se ku kanë qenë në luftë.

Në këtë intervistë Gucati flet edhe për plotësim-ndryshimin e Ligjit për Vlerat e Luftës, në mënyrë që vlerat e saj të mbrohen me ligj, që të mos fyhet lufta e UÇK-së dhe jo gjithkush pa fakte të dalë e të flasë në emër të UÇK-së.

Duke folur për Gjykatën Speciale, Gucati thekson se nuk do të gjendet asnjë fakt se UÇK-ja ka kryer krime.

Me ligj të rregullohet se kush mund të flasë në emër të UÇK-së

“Unë si kryetar i ri i Organizatës së Veteranëve të Luftës së Ushtrisë Çlirimtare të Kosovës pikë së pari e kam për synim rishikimin e Ligjit për Veteranët e Luftës. Ne do të insistojmë bashkërisht me shokë që Ushtria Çlirimtare e Kosovës, lufta e shenjtë të mbrohet me ligj e të mos ketë dikush të drejtë ta fyejë luftën dhe të dalë e të flasë gjithkush në emër të UÇK-së…”, tha ai.

Fjalë Kryesore:

Të ngjashme