Kryetari i AAK-së, Ramush Haradinaj, i shoqëruar me bashkëpunëtorë, kanë bërë homazhe te vendi ku ranë heroikisht Fahri Fazliu e Afrim Zhitia, raporton Ekonomia Online.
Haradinaj ka thënë se Zhitia e Fazliu kanë qenë brezi i hershëm për liri.
“Lëvizjet për liri të shqiptarëve janë të hershme dhe të pandalshme. Jam sot që këta heronj t’i nderoj sot Afrim Zhitinë dhe Fahri Fazliun, pra janë brezi i hershëm për liri, të cilët ranë me armë në dorë për çlirimin e Kosovës”.
“Duke pasur parasysh se prijës të lëvizjes së atëhershme dhe pjesëtarë të Lëvizjes Kombëtare për Çlirimin e Kosovës, i nderojmë dhe i respektojmë përjetësisht”, ka thënë Haradinaj.
Homazhe në nderim të dëshmorëve janë bërë edhe te varrezat e tyre në Velani, nga krerë institucionesh, bashkëluftëtarë e familjarë.