Kryeministri në largim, Ramush Haradinaj, kujtoi qëndresën heroike të gushtit të vitit 1998 të djemve të Dukagjinit në mbrojtje të pozicioneve të luftës.

Haradinaj nga Gllogjani deklaroi se ofensiva ishte e ashpër, por vullneti për liri, deri në vetëflijim, ishte mbizotërues.

“Sot kujtojmë dëshmorët që u flijuan përballë armikut, Orhanin, Enverin, Naimin, Arbenin e Halilin nga Gllogjani, Maxhunin e Gëzimin nga Irzniqi, Artanin nga Rakoci, Naserin nga Kodralia, Nexhatin nga Baballoqi dhe Hasanin nga Nivokazi. Gjaku i tyre i derdhur në fushë të nderit, mundësoi realizimin e idealit shekullor të lirisë. Përulemi me nderim para sakrificës së tyre sublime”, tha Haradinaj.