Deputetët e Kuvendit nuk duhet të jenë spektatorë dhe të shikojnë se çka po ndodhë me FSK-në, por duhet të vendosin që kjo forcë të shndërrohet në ushtri të Kosovës.

Kështu u tha në Komisionin për Punë të Brendshme, Siguri dhe Mbikëqyrjen e FSK-së, të cilët edhe njëherë kërkuan që nesër në seancën e Kuvendit të vendoset për themelimin e ushtrisë, raporton Ekonomia Online.

Deputeti i AAK-së, Duat Haradinaj tha se kanë arritur që të krijojnë ushtri për të çliruar Kosovën, ndërsa tani duhet të formojnë ushtri për ta mbrojtur atë.

Ai shtoi se minoritetet nuk kanë pse të frikësohen nga kjo ushtri, ngase edhe ata do të jenë pjesë e saj.