Hoxhaj në 13 vjetorin e Pavarësisë: Thaçi e Veseli punuan çdo ditë për zhvillimin e shtetit

Prishtinë | 17 Shk 2021 | 08:23 | Nga Ekonomia Online

Ish-kandidati për Kryeministër nga PDK-ja, Enver Hoxhaj, në 13 vjetorin e Pavarësisë së Kosovës, tha se me mendje dhe zemër është me liderët e Kosovës që padrejtësisht gjenden në Hagë.

Përmes një postimi në Facebook, Hoxhaj thotë se për 13 vite me radhë, Hashim Thaçi e Kadri Veseli punuan çdo ditë për zhvillimin e shtetit dhe mirëqenien e qytetarëve.

“Sot kur festojmë 13 vite shtetësi, me zemër e mendje jemi me liderët e Kosovës që padrejtësisht gjenden në Hagë. Për 13 vite me radhë, Hashim Thaçi e Kadri Veseli punuan çdo ditë për zhvillimin e shtetit dhe mirëqenien e qytetarëve. Çdo moment të jetës së tyre ia kushtuan përmbushjes së amanetit të dëshmorëve për liri e pavarësi. Këtë premtim do të vazhdojmë ta mbajmë dhe ta jetësojmë çdo ditë si Parti Demokratike, pasardhëse e Ushtrisë Çlirimtare të Kosovës”, tha kryetari në detyrë i PDK-së.

Ndër të tjerash, Hoxhaj tha se sot Kosova është më mirë sesa para 13 vietësh.

“Sot Kosova është më e mirë sesa para 13 vitesh. Partia Demokratike do të jetë gardiani i vlerave demokratike sot dhe përgjithmonë. Për qytetarët. Me qytetarët. Urime Dita e Pavarësisë”.

Të ngjashme