Një grua ka mbetur e vdekur si pasojë e një aksidenti që ka ndodhur gjatë ditës së djeshme në autostradën “Arbën Xhaferi”.

Policia e Kosovës ka bërë të ditur se ajo është aksidentuar duke e goditur shtyllën e urës që ndodhet në autostradë.

“Është raportuar se një femër kosovare me veturën e saj është aksidentuar dhe ka goditur shtyllën e urës e cila ndodhet në autostradë”, thuhet në njoftimin e Policisë.

Ajo ishte dërguar në QKUK për trajtim mjekësor mirëpo pas lëndimeve të marra ka ndërruar jetë.

Me urdhër të prokurorit trupi i pa jetë është dërguar për autopsi.