Policia ka njoftuar se dje rreth orës 17:30 në rrugën “Komuna e Parisit” në Prizren, ka ndodhur një rast grabitjeje në një qendër tregtare.

Policia menjëherë ka dal ne vendin e ngjarjes, ku sipas deklaratës së ankuesit: “deri sa ka qenë në zyre me disa fëmijë (Të mitur) të pronarëve të qendrës tregtare aty ka hyrë një person me thikë në dorë i cili u ka kërkuar para pesë euro të cilat i ka dhënë njëri nga fëmijët (15 vjeçar) dhe më pas të njëjtit është larguar nga zyra. Është njoftuar sigurimi i kompanisë të cilët kanë reaguar duke e ven nën kontroll të dyshuarin dhe kanë arrit qe thikën t’ia largojnë nga dora.

Siç njofton policia, i dyshuari D.G i lindur në vitin 1979, është arrestuar dhe shoqëruar në stacionin policor Prizren i cili është i njohur për policinë si person me probleme psikike ku para disa dite ka qenë në mjekim të detyrueshëm ne institutin Forenzikes të Shëndet Metal, por që ka arritur të largohet nga aty.

“Me datë 30.07.2021 ka qenë i pranuar në repartin e psikiatrisë Prizren por sërish është larguar nga spitali. Në lidhje me ketë rast njësit i hetuesisë dhe krim teknikës kanë gjet dhe sekuestruar thikën (Thikë kuzhine 20 cm ) ne cilësinë e provave material. Është njoftuar Prokurori i Shtetit i cili ka rekomanduar që fillimisht i dyshuari të dërgohet në repartin e psikiatrisë për kontroll ku edhe është dërguar dhe sipas mjekëve i dyshuari është i njohur dhe ka sjellje të pa kontrollueshme.

Me aktvendim të prokurorit të shtetit, i dyshuar ndalohet në ndalim policor për 48 orë. Rasti është duke u hetuar”, thuhet në njoftim.