INPO fillon fushatën vetëdijësuese “Buxhetimi me Pjesëmarrje – 2019”

Prishtinë | 25 Qer 2018 | 10:33 | Nga

INPO, në kuadër të “Programit për Qeverisje të Mirë”, ka filluar fushatën vetëdijesuese “Buxhetimi me Pjesëmarrje – 2019”.

Kjo fushatë ka për qëllim informimin dhe inkurajimin e qytetarëve për të qenë pjesëmarrës në procesin e hartimit të buxhetit të komunal dhe prioritizimin e investimeve komunale. Materialet e fushatës përbajnë udhëzime konkrete rreth formave dhe mekanizmave ligjor se si qytetarët mund t’i paraqesin kërkesat dhe propozimet e tyre për përfshirje në buxhet, afatet ligjore deri kur mund të paraqiten
kërkesat dhe propozimet, si dhe në cilat organe komunale duhet të adresohen kërkesat.

Fushata do të realizohet nëpërmjet shpërndarjes së broshurave, takimeve me qytetarë, përfaqësues të bashkësive lokale, fshatrave dhe lagjeve urbane, si dhe përmes rrjeteve sociale të organizatës INPO. Kjo fushatë do të realizohet në komunën e Ferizajt dhe Prishtinës.

“”Ky grant është financuar nga projekti Promovimi i Shoqërisë Demokratike (DSP) – i financuar nga Agjencia Zvicerane për Zhvillim dhe Bashkëpunim (SDC) dhe Ministria e Punëve të Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile (KCSF).”

Të ngjashme