Javën e ardhshme nisin gërmimet për varrezë masive në oborrin e UP-së

Prishtinë | 08 Kor 2016 | 09:29 | Nga

Në kampusin e Universitetit të Prishtinës të mërkurën e ardhshme do të fillojnë gërmimet për varrezë masive. Gërmimet janë paraparë të zgjasin dy ditë.

Drejtori i Departamentit për Mjekësi Ligjore, Arsim Gërxhaliu ka thënë se javën e ardhshme në kam-pusin e UP-së, përkatësisht afër kishës ortodokse do të fillojnë gërmimet vlerësuese për varrezë masive.

Gërmimet vijnë pas informatave të dy qytetarëve të ndryshëm që thonë se gjatë vitit 1999 kanë parë forcat serbe duke gërmuar në këtë lokacion.

Ndërkaq koordinatori i Komisionit qeveritar për Persona të zhdukur Kushtrim Gara , sipas rtk-së, ka thënë se me kërkesë të këtij Komisioni dhe familjarëve të të pagjeturve Prokuroria Speciale ka lëshuar po ashtu urdhëresë duke autorizuar gërmimet.

Fjalë Kryesore:

Të ngjashme