Kamberi fton Bahtirin që ta ndalë nepotizmin në Mitrovicë

Prishtinë | 18 Nën 2020 | 16:41 | Nga Ekonomia Online

Kryesuesi i Kuvendit komunal të Mitrovicës, Safet Kamberi, i ka bërë thirrje kryetarit të komunës Agim Bahtiri që të ndalojë nepotizmin.

Ai përmes një postimi në Facebook e ka ftuar Bahtirin “që të reflektojnë, ta anulojnë përzgjedhjen e familjarëve të tyre në pozitat që i kanë emëru, si shenjë që ata nuk po i keqpërdorin pozitat e tyre për interesat e veta partiake e familjare”.

Ai ka thënë se Mitrovica si qytet dikur shquhej me industrinë dhe kulturën, ndërkaq sipas tij, sot në këtë qytet nuk ka kurrfarë ndjesie të kulturës.

“Si për ironi, edhe në këtë rast, teatri është skena që nxjerrë në pah shfaqjen e së vërtetës. E vërteta pra është pikërisht ajo që ndodhi me teatrin Muharrem Qena. Nepotizëm. Mitrovica si qytet dikur shquhej me industrinë dhe kulturën. Të parën na e shkatërroj lufta, e të dytën po e shkatërrojnë politikat e pandërgjegjshme nga politikanë që nuk kanë kurrfar ndjesie për shpirtin e qytetit tonë, pra kulturën”, ka shkruar ai.

Fjalë Kryesore:

Të ngjashme