Dy lokacione të dyshuara për varreza me trupa të shqiptarëve në Serbi dhe dy lokacione në Kosovë pritet që në muajt e verës të vlerësohen përmes një aparature hulumtuese (detektorëve), shkruan sot Koha Ditore.

Kjo do të bëhet pasi Komisioni qeveritar për persona të zhdukur ka siguruar nga NATO-js një mjet i cili vlerëson nëse në tokë ka eshtra.

Kryetari i këtij komisioni, Prenk Gjetaj, ka thënë se në Serbi do të vlerësohen lokacionet i Jallovishtes dhe ai i Kizhevakut, ndërsa për në Kosovë, sipas tij, ende nuk kanë vendosur se cilat do të jenë 2 lokacionet që do të vlerësohen.

Për vlerësimin e lokacioneve në Serbi, Gjetaj ka bërë të ditur se është pajtuar edhe pala serbe.