KDI shpërblen fotografinë më të mirë kundër-korrupsion, kërkohet mobilizim në luftimin e kësaj dukurie

Prishtinë | 09 Dhj 2021 | 11:43 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Instituti Demokratik i Kosovës (KDI) ka organizuar ekspozitën për Fotografinë më të mirë kundër-korrupsion 2021, me ç’rast janë shpallur tre fituesit e kësaj gare, raporton Ekonomia Online.

Vendi i parë iu nda Korab Bashës, vendi i dytë Egzon Azemi, ndërsa vendin e tretë e morri Kushtrim Krasniqi.

Arben Kelmendi menaxher në KDI, tha se ky aktivitet tashmë është i përvitshëm, duke shtuar se do t’u ofrojnë ndihmë viktimave të korrupsionit.

Ai ka kërkuar nga institucionet dhe sistemi prokurorial që t’i bashkërendojnë veprimet dhe të bëhen bashkë kundër korrupsionit.

“Bëjmë thirrje që përmes fotografisë e shprehin korrupsionin këtij fenomeni negativ në shoqërinë kosovare. Edhe pse s’jemi anëtare e OKB ne kemi marrë këtë iniciativë në luftën kundër korrupsionit. Bëjmë monitorim të procedurave të prokurimit. Ne vazhdojmë t’u ofrojmë viktimave të korrupsionit ndihmë falas. Vitin e kemi përmbyllur me një aktivitet të tillë dhe kemi qenë të kënaqur me numrin e fotografive që kemi pranuar”.

“Në këtë ditë kundër korrupsionit përshëndesim miratimin e strategjisë për sundimin e ligjit. Kërkojmë nga institucionet dhe sistemi prokurorial që t’i bashkërendojnë veprimet e tyre dhe të bëhemi bashkë kundër korrupsionit. Siç është edhe motoja vetëm të bashkuar mund ta luftojmë këtë dukuri negative”.

Fituesi i çmimit të parë, Korab Basha tha se korrupsioni është dukuria më negative, madje ai po e konisderon kancer i gjithë shoqërisë.

“Për neve është me rëndësi mu pasuruar shumë shpejt. Kisha pas dëshirë me tregu që korrupsioni është dukuri negative kancer i krejt shoqërisë”.

“Qysh ndihet ai person që e ka fituar tenderin e kësaj rruge. Që një familje mund të pësojë në këtë rrugë kur të vir nga diaspora”.

Kurse fituesi i çmimit të dytë Egzon Azemi, tha se fotografia që ai ka realizuar ka arritur që të sensibilizojë një pjesë të qytetarëve dhe të pengojë një afër korrupitive, raporton EO.

“Është një nga foto joartistike sepse ka mesazh konkret. Kjo foto është realizuar kur ka ndodhur një aferë korruptive ku të shkolla Xhevdet Doda, e rrënohej ndërtesa e azbestit”.

“Me këtë foto kemi sensibilizuar një pjesë të qytetarëve dhe kemi pezulluar këtë aferë korruptive”.

Dita Ndërkombëtare Kundër Korrupsionit 2021 synon të nxjerrë në pah të drejtat dhe përgjegjësitë e të gjithëve në trajtimin e korrupsionit: shtetet nënshkruese, zyrtarët qeveritarë, nëpunësit civilë, organet e zbatimit të ligjit, përfaqësuesit e medias, sektori privat, shoqëria civile, akademia, publiku dhe të rinjtë.

Pra, nuk duhet vetëm shtetet dhe organet e tyre të bashkohen dhe të ballafaqohet me këtë problem global. Çdo qytetar, i çfarëdo moshe dhe gjinie – ka një rol për të luajtur për të parandaluar dhe luftuar korrupsionin, në mënyrë që të promovojë qëndrueshmërinë karshi këtij fenomeni dhe integritetin në të gjitha poret e shoqërisë.

KDI ka vazhduar edhe sivjet të monitorojë procesin e prokurimit publik, me fokus në sektorin e shëndetësisë, për të siguruar që blerjet dhe shërbimet gjatë emergjencës shëndetësore të jenë transparente, në përputhje me ekonominë e tregut të lirë dhe konform nevojave të qytetarëve.
KDI ka vazhduar me ofrimin e ndihmës juridike falas për viktimat e korrupsionit, dëshmitarët dhe sinjalizuesit e veprave korruptive. Shumë punëtorë të cilët kishin humbur vendet e punës gjatë pandemisë apo nuk kishin realizuar të drejtën e pagesës nga pakoja emergjente kanë kërkuar ndihmë ligjore.

  1. Në këtë ditë përshëndesim miratimin e Strategjisë pë sundimin e ligjit 2021 – 2026, pjesë e së cilës është edhe lufta kundër korrupsionit, por përsërisim shqetësimin tonë për mungesën e një Strategjie Kombëtare Kundër-Korrupsion, nga e cila do të dilnin veprime dhe përgjegjësi konkrete për të gjitha institucionet e thirrura për të luftuar korrupsionin.
  2. Kërkojmë nga institucionet vendore që, në vend se të drejtojnë gishtin nga njëra-tjetra në kërkim të fajtorit për mungesë të sundimit të ligjit dhe nivelin e lartë të korrupsionit, të bëhen bashkë në një front të vetëm në luftë kundër korrupsionit.
  3. Qytetarët i thërrasim të jenë më kërkues për rezultate dhe të mos heshtin ndaj keqpërdorimeve, nepotizmit dhe keqmenaxhimit të resurseve publike.
  4. Qeverisë i themi t’i procedojë të gjithë pakon e ligjeve kundër-korrupsion dhe t’a bëjë qytetarin hisedarë të këtyre ligjeve
  5. Kuvendit I kërkojmë të t’a ketë prioritet mbikëqyrjen e zbatimit të ligjeve kundërkorrupsion
  6. Subjekteve Politike u kërkojmë të jenë transparente dhe llogaridhënëse në raport me financimin dhe shpenzimet e tyre. Vetëm duke përqafuar vlerat e qeverisjes së mirë brenda subjektit, do të mund t’a ndërrojmë kulturën qeverisëse.
  7. Institucioneve të drejtësisë u kërkojmë që të ngrisin efikasitetin e punës dhe cilësinë e shërbime sepse vetëm duke rezultatet e kthejnë besimin në institucione.

Lexo më shumë:

Të ngjashme