Kërkohet që disa shërbyes civilë të përfshihen në pakon mbështetëse

Prishtinë | 28 Mar 2020 | 15:00 | Nga Ekonomia Online

Sindikata e Pavarur e Administratës së Kosovës ka reaguar pas propozimit të ministrit të Financave, Besnik Bislimi, duke kërkuar që të kenë parasysh edhe një numër të konsiderueshëm të të punësuarve në institucionet publike, shërbyesit civil, të cilët sipas tyre, në vazhdimësi kanë qenë dhe janë në krye të detyrës në ketë kohë të pandemisë Covid-19.

Sindikata e Pavarur e Administratës së Kosovës nëpërmjet një komunikate ka përshëndetur propozimin e ministrit Bislimi për mbështetje financiare për mjekët, policët, zjarrfikësit, punëtorët e maketeve, furrave të bukës dhe punëtorëve të farmacisë duke mos përjashtuar edhe pakon financiare të propozuar për t’i ndihmuar edhe kompanitë private.

“Sindikata e Pavarur e Administratës së Kosovës kërkon nga ministri i Financave që në bashkëveprim të ngushtë me kryetarët e komunave, ministrit dhe institucionet tjera që në të njëjtën kohë dhe në të njëjtën pako, të mbështetjes financiare të përfshihen edhe Shërbyesit Civil dhe të punësuarit të cilët gjatë kësaj përudhe kanë qenë të obliguar të lajmërohen në vendet e tyre të punës si inspektorët e të punësuarit në QPS, Ofiqari ,punëtorët teknik, pylltarët dhe të tjerët shërbyes sipas punës dhe angazhimit të tyre”, thuhet në njoftim.

Gjithashtu iu kanë bërë thirrje shërbyesve civil që janë duke punuar, të kenë kujdes të shtuar derisa kanë kërkuar nga institucionet ku punojnë që t’iu sigurojnë pajisje adekuate të nevojshme si dezinfektues, maska dhe dorëza si masë preventive.

Fjalë Kryesore:

Të ngjashme