Këshilltari i Pacollit thotë se blerja e Ipkos nga Telekom Serbia, cënon sigurinë kombëtare

Prishtinë | 26 Qer 2020 | 15:04 | Nga Ekonomia Online

Këshilltari politik i Behgjet Pacollit, Jetlir Zyberaj, i ka quajtur shqetësuese raportimet se Telekom Serbia do ta blejë rrjetin e telekomunikacionit në Kosovë, IPKO.

Sipas Zyberajt një gjë e tillë kërcënon sigurinë nacionale, njofton Klan Kosova.

”Raportimet që Telekom Serbia dëshiron të blejë Ipko janë shqetësuese dhe kërkojnë përgjigje të menjëhershme nga qeveria për të parandaluar një shitje të tillë. Bëhet fjalë për sigurinë kombëtare të Kosovës dhe mbrojtjen e infrastrukturës kritike të Kosovës. Kompanitë serbe nuk mund të lejohen të blejnë kompani të Kosovës përderisa Serbia nuk e njeh Kosovën.
Hapa të tillë SHBA dhe Evropa kanë ndërmarrë ndaj Kinës”.

Të ngjashme