Oferta e dhënies së kredive për pushimet e verës ka filluar nga një numër i madh i bankave në vend. Njohësit e ekonomisë e shohin shqetësuese dhe i quajnë bankat fajdexhinj të licencuar.
Në stinën e verës shtohet edhe marrja e kredive për pushime. Kjo është bërë e shpeshtë në vendin tonë. Kosovarët në mungesë të kursimeve për pushimet verore po ju drejtohen bankave komerciale.
Njohësi i çështjeve ekonomike Mustafë Kadriaj marrjen e kredisë për pushimet e verës e konsideron jo të drejtë.
Tha se që nga paslufta bankat në vend e kanë humbur komplet sensin e logjikës ekonomike dhe janë bërë fajdexhinj të licencuar.
“Logjika e marrjes së kredisë është në fuqizimin e biznesit nëse ka biznes një qytetar ose në sigurimin e një ambienti ku mund të jetosh, do të thotë të një shtëpie ose banesë”, tha ai për Tribuna Channel.