KQZ-ja miraton Udhëzimin për masat mbrojtëse për votuesit dhe stafin zgjedhor (Dokument)

Prishtinë | 17 Nën 2020 | 14:52 | Nga Aulona Sylaj Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Komisioni Qendror i Zgjedhjeve në mbledhjen e mbajtur të martën, në kuadër të përgatitjes për organizimin e zgjedhjeve të jashtëzakonshme për Kryetar të Komunës së Podujevës dhe Mitrovicës së Veriut, mori vendim për miratimin e udhëzimit administrativ për masat mbrojtëse për parandalimin e infeksionit me COVID-19 për votuesit dhe stafin zgjedhor në ditën e zgjedhjeve, raporton Ekonomia Online.

Ky vendim i KQZ-së u tha se u miratua pas rekomandimeve të institucioneve shëndetësore.

Qëllimi i këtij udhëzimi sipas KQZ-së është përcaktimi i masave mbrojtëse për parandalimin e infektimit me COVID-19 për votuesit dhe stafin zgjedhor në hapësirat ku mbahen zgjedhjet, përcaktimi i masave mbrojtëse gjatë procesit të numërimit të fletëvotimeve në vendvotime si dhe përcaktimi i masave mbrojtëse gjatë dorëzimit dhe pranimit të materialit zgjedhor.

Ditë më parë, KQZ-ja ka miratuar edhe udhëzimin për votimin e personave të cilët për shkak të testit pozitiv me COVID-19 janë në karantinë shtëpiake dhe personave të cilëve u është caktuar masa e vetizolimit.

Në lidhje me këtë çështje, KQZ-ja miratoi edhe afatin për identifikimin dhe konfirmimin për votuesit nga kjo kategori.

Sipas vendimit të KQZ-së ky afat është nga data 25 nëntor deri më 26 nëntor 2020.

Lexo më shumë:

Të ngjashme