Krasniqi: Gllogjani dëshmoi se zgjerimi dhe masivizimi i luftës çlirimtare ishte i pandalshëm

Prishtinë | 24 Mar 2018 | 11:16 | Nga

Ish-kryetari i Kuvendit dhe ish-zëdhënësi i UÇK-së, Jakup Krasniqi ka thënë se “përvjetori i luftimeve në Gllogjan në familjen Haradinaj, përveç që shënon zgjerimin e luftimeve në Kosovë, ishte paralajmërimi më serioz se pas Marsit të Jasharëve Legjendar, zgjerimi dhe masivizimi i luftës çlirimtare ishte i pandalshëm”.

Krasniqi ka shkruar në facebook se një vit më vonë, pra, para nëntëmbëdhjetë viteve, lufta jonë çlirimtare arriti ta ketë me vete edhe Aleancën më të madhe botërore ushtarake, NATO-në.

“Nuk ka asnjë dyshim se kjo ishte fitore e madhe Ushtrisë Çlirimtare të Kosovës dhe njëkohësisht edhe fitore e madhe humanitare me anën e forcës ushtarake. Këto ngjarje dhe zhvillimet e sotme janë dëshmi se liria, paqja dhe humanizmi duhet të mbrohen çdo ditë”, ka shkruar ai.

Fjalë Kryesore:

Të ngjashme