Ekipi i kontrollit gjatë verifikimit të gjendjes në teren ka hasur në keqpërdorim të ujit të pijes nga konsumatori Q.TH, në fshatin Qifllak Komuna e Rahovecit, ku ndaj personit në fjalë KRU “Gjakova” ka iniciuar procedurat ligjore.

Sipas një njoftimi për media kompania bënë të ditur se ekipet e KRU “Gjakova” janë tërë kohës në teren përfshirë edhe ditët e vikendit në verifikim të gjendjes, personat që identifikohen duke keqpërdorur ujin e pijes nga rrjeti i ujësjellësit do të ndëshkohen sipas rregulloreve dhe ligjeve në fuqi.

“Lusim konsumatorët për vetëdijsim në përdorimin racional te ujit të pijes dhe mos keqpërdorim të tij”, thuhet në njoftim.